المثل هو جملة قصيرة موجزة، وهي موروث قديم متناقل عبر الأجيال، وهي عبارات سهلة الانتشار بين النّاس، وسريعة التّناقل، إذ إنّها تستخدم تعبيراً عن تجربة معيّنة، أو موقف مشابه للموقف الأصليّ الّذي حدث قديماً، وهو نتيجة لتداخلات الأزمان القديمة مع الحديثة، والثّقافة والعادات والتّقاليد، وفي هذا المقال جُمعت لكم بعض الأمثال اللّبنانية.
أمثال لبنانيّة شعبيّة
النّاس بالنّاس، والقطّة بالنّفاس.
عيش يا كديش، حتى ينبت الحشيش.
بكون عم يحلق، بصير عم يقبّع أضراس.
من بيت شقاع، لبيت رقاع.
نيّال اللي ببوس إيد حاله.
تيتي تيتي، متل ما رحتي متل ما جيتي.
ابنك هوّي وصغير ربّيه، ولما يكبر خاويه.
خذ أسرارهم من صغارهم.
الله يخلينا بعقولنا تنوصل لقبورنا.
متل الزّيتون ما بيجي إلّا بالرّص.
يلي بعرف بعرف، ويلي ما بعرف بقول كفّ عدس.
ما بيقرقع إلّا الكردوش.
قاضي الأولاد شنق حالو.
الصّوم صوم اللّسان.
ما إلك صاحب إلّا بعد خناقة.
يا أنا يا هوّي.
على قدر المؤونة تأتي المعونة.
على قلبه مثل العسل.
بنت الأصل بتخلّي كوخها قصر.
عمرك أطول من عمري.
خايف هزّك يا غربالي، ويوقع منّك كلّ عزيز وغالي.
ساعة البسط عمرك لا تفوّتا، وإن جاعت النّفس بإيش ما كان قوّتا.
عيش كتير بتشوف كتير.
وجه ما بيضحك للرّغيف السّخن.
من تحت الدّلفة لتحت المزراب.
غربل يا غربال.
الحرّ حرّ ولو مسّه الضّرّ.
اسعى بجنازة، ولا تسعى بجازة.
ما أعمى إلّا أعمى القلب.
غيم شباط ما عليه رباط.
واحدة بواحدة.
قاعد بالأرنة وعينه بتجقرني.
النّار ما بتحرق إلّا مطرحها.
يا بيتي يا بويتاتي، يا مستّرلي عويباتي.
يا أرض اشتدّي، ما حدا قدّي
واحد بيدِكّ، وواحد بيقوِّص.
بالمال ولا بالعيال.
قطع الأعناق، ولا قطع الأرزاق.
الفاضي بيعمل قاضي.
كانت النصيحة بجمل.
هنّي بعد شهرين بس عزّي بعد يومين.
كلّ طلعة وراها نزلة.
يا جاري أنت بدارك، وأنا بداري.
كلّ شي مع العافية طيّب.
شفناك فوق وشفناك تحت.
وردة ما بتعمل ربيع.
النّاس ما بيقولوا شو صرفت، بيقولوا شو معك.
ما احترستِ حتّى انقرصتِ.
هات صوف وخود خروف.
لا بتوفيني ولا بتعفيني.
ما إجانا شي من الغرب يسرّ القلب.
كلّ لحية، وإلها مشط.
واحد إيده بالمي، وواحد إيده بالنّار.
خادم المذبح بعيش من المذبح.
الفاجر بياكل مال التاجر.
عالأرض يا حكم أو عالحديدة.
كل ممنوع مرغوب.
كلام البغيض بيغيظ.
حامل السلّم بالعرض.
طبّاخ السمّ آكله.
ضارب حاله بحجر كبير.
صابنا متل الي بالع الموس.
كلمة تحنّن وكلمة تجنّن.
الشّاري ربحان والبايع خسران.
كلنا في الهوا سوا.
أمثال لبنانية مشهورة
سبحان اللي بغيّر وما بتغيّر.
العشرة يلي هانت يا ريتها ما كانت.
أنا وأنت والزّمن طويل.
يا افتح بابك وانشكر، ويا سكرو وانستر.
ثوب ورقّعته من طرفه.
الواحد ما بيتعلّم إلّا من كيسه.
طبطب عالجرح.
ما أعزّ من الولد إلّا ولد الولد.
الزّايد خي النّاقص.
واحد خطَب والتاني تجوّز.
إلي بياكل حقّ خيّو، ما بيورّت بنيّه.
لا تلوم الغايب حتّى يحضر.
لا تبيع رخيص، ولا توّصي حريص.
حاج تتعب حاج تكوش غير رزقك ما بتحوش.
بهلوانين ما بيلعبوا عحبل واحد.
إن ما كان إلك جمل حمّل عتورك، واصبر على حكم ربّك تييجي دورك.
آكل شارب، ومن الهمّ هارب.
عقل الكبير كبير.
جهل الختيار ما لو دبّار.
شوارب كبار يا على طبّال، ويا على زمّار.
إن ما ساعتك الدّور بتساعك الصدور.
الدّاء دائي والطبيب الله.
خابزو وعاجنو.
إن لبست البِس حرير، وإن عاشرت عاشر أمير.
ألذّ الكلام الممكن تنفيذه.
الحقّ على الطّليان.
بنشرنا على صنوبر بيروت.
راح ساقي وسمّاقي، وما بقي غير ضِيقة أخلاقي.
شو نفع الفرمان، والكلاب طرشان.
عَزَموا ضيعتين على قلي بيضتين.
الناس بيطَّلّعوا بسلاطين مِشْ بحرادين.
شتوة نيسان بتحيي الإنسان.
قَدّيه صرلك بالقصر؟ قال: من مبارح العصر.
مِتل خياطة بنت أبو النّصر من عبُكرة للعصر.
مين ما أخد إمّي بيصير عمّي.
الجنّة بدون ناس ما بتنداس.
آخر العَنقُود سُكَّر معقود.
آخر المعروف ضرب الكفوف.
الذّيب قال للخروف: يا خروف ذنبك عَجَّج (تغبَّر)، فردّ الخروف: كلني ولا تِتْحَجَّج.
الغايب ما لو نايب.
إلي ما إلو حظّ لا يتعب ولا يشقى.
كل شي بِدُّو عزيمة إلّا الهزيمة.
القول قول أجير، والفعل فعل أمير.
مِثل حكاية إبريق الزيت.
عامل السّبعة وذمّتها.
فقر وهداوة بال، ولا مكسب ولا رأس مال.
عداوة دهر ما بتزول لا بيوم ولا بشهر.
العزّ للرّزّ والبرغل شنق حاله.
أعطي خبزك للخباز، ولو أكل نصّه.
لاقيني، ولا تطعميني.
في بيناتنا خبز وملح.
لا تقول عنب، ليصير بالسّلة.
ما تقول فول، ليصير بالمكيول.
دمّه متل العسل.
شو ماشي على بيض؟
بدك تاكل عنب، ولا تقاتل النّاطور؟
طنجرة ولقت غطاها.
تاكلني لحم، وترميني عظم.
وجهه ما بيضحك للرّغيف السّخن.
متل العجينة بين إيديي.
عضّة كوساية، وبكون وصلت.
أكّال نكّار.
اي شو الشغلة شوربة؟
تاكل همّ قلبي.
عينه شبعانة.
إلها تم ياكل، وما إلها تم يحكي.
إيجار البيوت قبل القوت.
ما بيحمل همّك إلا يلِّي من دمّك.
بعهد أبو دكّة، الواوي أكل السّكّة.
لا بيعجبه العجب، ولا صيام برجب.
تِكِّ الرنّان بيركض لك كلُّ قلبٍ حنّان.
رجعت حليمة لعادتها القديمة.
تخانق البحر، والريح طلعت الفلّة عالمركب.
يا بادلين الزينات بالبسينات.
ببوسك مطرح ما باستك أمك.
الأب بدو يرضي الولاد، ويرضي خالتن.
بينشرب مع المَي العكرة.
الي شاف مصيبة غيره هانت عليه مصيبته.
عادة في البدن، ما بيغيّرها غير الكفن.
بياكل البيضة وقشرتها وبيقول ما شِفت شي.
آخرة الدّلع ندامة.
إن كنت من صوب المرَة فوت بلا مشورة، وإن كنت من صوب الرّجال خلّيك عالباب.
تلاتة ما بينطاقوا: الطّق، والنّق، والبّق.
الحاق الكذّاب عباب داره.
التمّت الحبايب، وما بقا حدن غريب.
الحاق البوم بودّيك عالخراب.
يلي معوّد عخبزك، كلّ ما شاف عجينك بجوع.
الي بتفصّله أنا بلبسه.
إجريها عوج وبدها بابوج.
إلي بيأكل خبز السلطان بحارب بسيفو.
إلي بيكبّر فشختو بيوقع.
إلي ما هو من ضهرك كل ما جن افرحلو.
ابن الحكومة إذا صادقته أكلك، وإذا عاديته هلكك.
ابن الّداية ما عليه مخبّاية.
احترنا يا قرعة منين بدنا نبوسك.
إذا بدّك تخرب بلاد، ادْعي عليها بكتر الروس.